Wahi shaher, wahi log,
magar ek bilkul naya mahaul..........
Sab kuch jaana-pahchaana tha, magar usse bahut ajnabi lag raha tha. Aisa nahi tha ki wo pahli baar kisi parichit jagah gaya ho. magar pata nahi kyun iss shaher mein usse kuch "ajeeb" sa lag raha tha. Wo khud nahi jaanta tha ki usse kya takleef hai, bus ek baat pata thi ki mann "ramm" nahi raha tha.
Wo roz-roz ki wahi meetings, presentations & corporate parties se borr ho chuka tha. Usse wo sab kuch haasil tha, jo shayad ek aam aadmi ko khushnuma zindgi ke liye chahiye hota hai. Magar kahin na kahin koi "tees" uthti thi uske mann mein. Wo aaj akele baith kar kuch puraane records nikal kar sun raha tha, ki ek gaane ne uski rooh ko hila kar rakh diya tha...
Wo rona chahta tha..phoot-phoot kar, magar ro naa saka.
Ek mard hokar iss tarah rona usse kuch atpata lag raha tha.
Usne coffee machine se ek coffee nikali aur record band kar diya.
Phir khidki se bahar dekhte hue usse wo puraane din yaad aane lage,
aur wo room mein aa gaya....
Wo uss raat so naa saka..
kafi purani yaadein uske dimag ki dahleej par dastak deti rahi,
aur wo un sab ko ansuna karta raha tha...
"Purana shaher" usse raas nahi aa raha tha...
3 comments:
hmmmn.............
vilasita se adhyatm ki or khichte hue insaan ki kahani lagti hai.
sab kuch haasil karne ke baad aisa hi hota hai
hmm....what can i say about this one....captured the loneliness n silence amongst the noise of the city in the most scintilating way possible.......well u r deterring youth against overindulging in these things....good job........point agreed!!!nice post
you have a virtue that is very rare.what is the specialty of you posts is that you judge the topic in best way.your topic of post and the wordings you use are just complimentary to each other.
keep it up...!!
Post a Comment